افغانستان خبرچی‌لری نینگ سقله‌ش کمیته نی گزارشی اساسیده، میلادی ۲۰۲۰- ییل ده ۲۰۱۹- ییل گه نسبتن خبرچیلرگه قرشی زوروانلیکلر میزانی ۲۶ فایز کوپه‌یگن.
مذکور کمیته بوگون (پنجشنبه ۱۶- دلو) بیر گزارش ترقه‌تیب ایتیشیچه، میلادی ۲۰۲۰- ییل ده مملکتده خبرچیلرگه قرشی ۱۳۲ زوروانلیک قضیه قید ایتیلگن. مذکور قضیه‌لرگه قتل، تن جراحتی کوتاریش، کلتکله‌ش، تهدید، اختطاف و شونینگدیک ناقانونی توقنه‌شوو و توهین شامل بوله‌دی.
افغانستان خبرچی‌لری نینگ سقله‌ش کمیته نی گزارشی اساسیده، مذکور قضیه‌لردن ۷ ته‌سیگه قتل شامل دیر. بولردن ۵ خبرچی و میدیا ایشلاوچیسی ریجه‌لنگن قتل‌لر نتیجه‌سیده و باشقه ۲ خبرچی ایسه ماین پارتله‌شی عاقبتیده جان بیرگن.
گزارش ده بو قضیه‌لر عاملی گه اشاره قیلینیب ایتیلیشیچه، میلادی ۲۰۲۰- ییل ده خبرچیلرگه قرشی زوروانلیک قضیه‌لردن کوپینچه‌سی داعش و طالبان گروهی آرقه‌لی صورت تاپگن.
شونینگدیک مذکور گزارش اساسیده، حکومت داعش و طالبان گروهیدن کیین خبرچیلرگه قرشی زوروانلیک قضیه‌لرنینگ ایکینچی عاملی دیر.
افغانستان خبرچی‌لری نینگ سقله‌ش کمیته اوتگن میلادی ییل ده خبرچیلرگه قرشی زوروانلیکلر میزانی ۲۶ فایز کوپه‌یگنیدن خبر بیرگن بیرحالده، میلادی ۲۰۱۹- ییل ده خبرچیلر و رسانه ایشلاوچی‌لریگه قرشی ۱۰۵ قضیه بو نهاد گه قید ایتیلگن ایدی.
مذکور نهاد اوتگن ییل اعلام قیلیشیچه، میلادی ۲۰۱۹- ییل ده ۲۰۱۸- ییل گه نسبتن خبرچیلرگه قرشی زوروانلیک قضیه‌لر ۱۳.۲۲ فایز کمه‌یگن. ۲۰۱۸- ییل ده افغانستان ده خبرچیلر و رسانه ایشلاوچی‌لرگه قرشی۱۲۱ زوروانلیک قضیه بو نهاد آرقه‌لی رویخط گه آلینگن ایدی.
