اسلام امیرلیگی سودا و صناعت وزیرلیگینینگ اعلام قیلیشیچه، افغانستان و قزاقستان آرهسیده ۲۵ ته همکارلیک بیتیم امضالنگن.
اوشبو وزیرلیکنینگ بوگون ایرتهلب (۳۱-جوزا، یکشنبه)، اکس صحیفهسیده یازیشیچه، مذکور بیتیملر افغانستان و قزاقستان خصوصی سکتورلری آرهسیده قوشمه تجاری ییغیلیشلر نتیجهسیده امضالنگن.
صناعت وزیرلیگی، اوشبو بیتیملرنینگ دارو، تورلیخیل سبزهوات، قوروق و تازه میوهلر، بانکی همکارلیکلر، اون، بوغدای، یاغ و کچالونینگ صادراتی و وارداتی بولیملریده امضالنگنینی بیان قیلگن.
اسلام امیرلیگی و قزاقستان اوتگن بیش ییلده اقتصاد و تجارت بولیمیده یقین علاقه قوریب و تجارتلری میزانینینگ ییلده اوچ میلیارد دالرگه ییتیشتیریش مقصد، سعیوحرکت قیلگنلر.
صناعت وزیرلیگینینگ اوتگن کونی اعلام قیلیشیچه، اوتگن ییلده افغانستان و قزاقستاننینگ سودا المشووی ۴۱ فایزگه آشگن.
