له افغانستان څخه د امریکايي ځواکونو د وتلو څلورو کلونو په پوره کېدو سره، د اسلامي امارت ویاند ذبیحالله مجاهد وایي، له امریکا سره پياوړې اړیکې غواړي.
هغه تېره ورځ شنبه (سنبله، ٨) یوې جاپانۍ رسنۍ سره مرکه کې ویلي: «مونږ له امریکا سره قوي اړیکې غواړو او له نورو هېوادونو هم تمه لرو چې زموږ حکومت په رسمیت وپېژني.»
هغه د افغانانو د شتمنیو کنګل کېدو ته په اشاره نیوکه کړې چې امریکا خپلو سختو سیاستونو ته دوام ورکوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ذبیحالله مجاهد غوښتنه کړې چې امریکا دې د اسلامي امارت پر وړاندې خپلو پالیسو کې بدلون راولي.
ښاغلي مجاهد دغه مرکه کې د نجونو زدهکړې يوه داخلي مسله بللې او ټينګار کړی چې: “افغانستان خپل کلتور لري، موږ غوښتنه کوو چې لاسوهنه مه کوئ.”
نوموړي همدارنګه ویلي چې دوی هیله لري جاپان هم د اسلامي امارت نظام په رسمیت وپېژني.