د کلیو پراختیا او بیارغونې وزارت له لوري د نړیوال بانک په مالي ملاتړ د میدانوردګ په جغتو ولسوالي کې د اوبو مدیریت او ټرانسپورت برخو کې د ۲۰۳ میلیونه افغانیو په ارزښت د ۶۶ ټولګټو پروژو کار چارې پیل شوې چې په راتلوونکې یوه کال کې به بشپړې شي.
په همدې اړه جوړو شویو مراسمو ته د کلیو پراختیا او بیارغونې وزارت سرپرست ملا محمدیونس اخندازده وویل، ا.ا ژمن دی چې ټولو هېواد کې ولس ته د بیارغونې برخه کې اساسې کارونه وکړي.
هغه زیاته کړه چې د نړیوال بانک په مالي ملاتړ د هېواد په ۲۷ ولسوالیو کې لسګونه د بیارغونې پروژې پلان شوې چې د میدانوردګ په جغتو ولسوالي کې نن د ۶۶ بېلابېلو پروژو چارې پيل شوې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
اخندازده ټينګار وکړ چې په یادو پروژو کې د پلونو رغول، د کانالونو پاکول، په کلیوالي لارو او سړکونو جغل اچول، د ځمکو د خړوبولو لپاره د ذخیرو پاکول، د غره لمن کې د ابرېزونو کېندل، د پلچکونو او د زراعتي ځمکو لپاره د ذخیرو جوړول شامل دي.
بلخوا د میدانوردګ مرستیال والي مولوي سیدالرحمن حافظ له نړیوال بانک او مرستندویه موسسو مننه وکړه چې د دغه ولایت په جغتو ولسوالي کې یې د لسګونو پروژو عملي کار چارې پيل کړي.
نوموړي ټینګار وکړ چې ورته پروژې دې د میدانوردګ په پاتې ولسوالیو او کلیو کې هم پیل شي، څو د ولس په غوښتنه د بیارغونې اساسي کارونه او وزګارو کسانو ته پهکې د کارکولو زمینه برابره شي.