د روسیې ولسمشر ولادیمیر پوتین وايي چې اوکراین د دغه هېواد پر سوېل په برید سره غواړي روسیه کمزورې کړي، خو په وینا یې، «اوکراین به ښایسته ځواب ترلاسه کړي.»
اوکرایني ځواکونو تېره اوونۍ د روسیې له پولو تېر شول او د دغه هېواد د کرسک پر لوېدیځو سیمو یې بریدونه وکړل.
د سلاموطندار پښتو فېسبوکپاڼه وڅارئ
دا له ۲۰۲۲کال راهیسې هغه مهال چې د دواړو هېوادونو ترمنځ جګړه پیل شوې، پر روسیې د اوکراین تر ټولو لوی برید ګڼل کېږي.
روسیې چې د دې برید تمه نهلرله، دغه بریدونو ته پوځي ځواب ورکړی دی. د یاد هېواد د دفاع وزارت ویلي چې سیمې ته یې، اضافي پوځیان لېږلي، خو د شمېر په اړه یې، څه نهدي ویلي.
د اوکراین د پوځ مشر اولکساندر سرسکي ویلي چې دغه هېواد د کرسک ۱۰۰۰ کیلومټره مربع ځمکه د دوی لهخوا کنټرولېږي.
ولسمشر ولودیمیر زېلنسکي هم تایید کړې چې اوکرایني ځواکونه په کرسک سیمه کې مېشت دي. نوموړي د خپلو وینا په لړ کې ویلي چې روسیې نورو هېوادونو ته جګړه غځوله، خو جنګ اوس بېرته د دوی کور ته ورننوتی دی.
د کرسک سیمې د مسوولانو په وینا، د اوکراین په دې بریدونو کې ۱۲ کسان وژل شوي او په زرګونه نور خپلو سیمو پرېښودو ته اړ شوې دي.