د عامې روغتیا وزارت د خوړو او درملو مرستیال حمدالله زاهد نن (یکشنبه، ثور ۲۱) کابل کې د ازبیکستان سفیر اویبیک عثمانوف سره لیدلي.
دغه کتنه کې افغانستان ته د باکیفیته درملو، طبي او خوراکي توکو واردولو، د لابراتواري ازموینو د پایلو شریکولو، له افغانستانه د یوشمېر توکو د صادرولو او روغتیا برخه کې د دواړو هېوادونو ترمنځ د لا زیاتې همکارۍ او همغږۍ اړوند بحث او خبرې شوي.
د خوړو او درملو مرستیال ازبکستان سره د روغتیا برخه کې دوه اړخیزې اړیکې مهمې بللي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه همدارنګه د باکیفیته درملو، طبي او خوراکي توکو په صادرولو ټینګار کړی او د لابراتواري ازموینو پایلو په برخه کې یې د همکارۍ غوښتنه کړې ده.
ازبیکستاني لوري هم دغه کتنه کې د افغانستان د روغتیا برخه کې په دوه اړخیزو اړیکو خوښي څرګنده او د همکارۍ ژمنه یې کړې ده.