د ملګرو ملتونو پرمختیايي پروګرام د روغتیا نړیوالې ورځې سره هممهاله، د افغانانو لپاره د باکیفیته روغتیايي خدمتونو غوښتنه کړې.
د دغه پروګرام د افغانستان څانګې ویلي، هېواد کې د روغتیايي سیستمونو په پیاوړتیا سره یې، له تر ټولو زیانمنو کسانو ملاتړ کړی او د میلیونونو کسانو ژوند یې ژغورلی.
یاد بنسټ نن سهشنبه حمل ۱۸ / اپرېل ۷ پر اېکسپاڼه لیکلي چې په افغانستان کې ناروغانو ته د «اچآیوي»، نريرنځ او ملاریا اړوند خدمات وړاندې کوي.
د ملګرو ملتونو پرمختیايي پروګرام زیاته کړې چې د افغانستان وګړو ته د باکیفیته روغتیايي خدمتونو لاسرسی تر هر څه ډېر مهم دی.
د یادونې ده چې د اپرېل اوومه نېټه په ۱۹۴۸ کال کې د ملګرو ملتونو د روغتیا نړیوال سازمان له لوري د روغتیايي مسایلو په اړه د پوهاوي کچې لوړولو او پاملرنې راجلبولو په موخه، د روغتیا نړیوالې ورځې په نوم نومولې ده.