د خوست امنیتي مسوولان وايي چې دغه ولایت کې د نشه لرونکو ګولیو د پلور په تور دوه درمل پلورونکي نیول شوي دي.
د خوست امنیه قومنداني څخه نن دوشنبه، غويي ۲۲مه، په یوې خبرپاڼه کې ویلي چې دغه کسان د امنيه قومنداني اړوند له نشهیي توکو سره د مبارزې مدیریت منسوبینو له لوري نیول شوي دي.
نیول شویو کسانو د خوست ښار دواخانو لین او کاروان سرای سیمه کې درملتونونه لرل او د نشهلرونکو ګولیو د خرڅلاو په تور نیول شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خبرپاڼه زياتوي چې له نیول شويو کسانو سره شاوخوا څلور زره نشه کوونکې ګولۍ هم ترلاسه شوي دي.
خوست کې له دې وړاندې هم امنیتي ځواکونو د نشهيي توکو د پلور ترڅنګ د قاچاق مخه هم نیولې او په تړاو یې، ځینې تورن کسان هم نیول شوي دي.