د میدانوردګ چارواکي وایي چې د بهسودو په لومړۍ او دویمه حصه ولسوالیو کې د څه باندې لس میلیون افغانیو په لګښت دوه چکډیمونه جوړ او ګټېاخیستنې ته وسپارل شول.
د دغه بندونو د ګټېاخیستنې پرمهال سینديزې حوزې رییس عبدالصمد حلیم وویل، دواړه بندونه د اوبو او انرژۍ وزارت له بودجې څخه جوړ شوي چې ۱۰.۴ میلیونه افغانۍ لګښت پرې راغلی او ۹۰ زره متره معکب اوبو ذخیره کولو ظرفیت لري.
د سلاموطندار پښتو فېسبوکپاڼه وڅارئ
همدارنګه د کابل د سیندیزې حوزې رییس انجنیر محمدعارف مومند وویل: «موږ د هېواد په ټولو ولسوالیو کې د اوبو ذخیروي بندونه پلان کړي ؤ چې له نیکمرغه د میدانوردګ ټولو ولسوالیو کې پلان شوي ذخیروي بندونه بشپړ شول.»
هغه د بهسودینو ولسوالیو له خلکو سره د دوه نورو بندونو د جوړولو ژمنه هم وکړه.
نوموړي زیاته کړه، له پلان سره سم د میدانوردګ ټولو ولسوالیو کې د اوبو کوچني بند جوړولو پروژو پلېکېدل بشپړ شول.