د امریکا ولسمشر ډونالډ ټرمپ وايي چې د اوکراین ولسمشر ولودېمیر زېلېنسکي نوموړي ته یو لیک استولی چې روسیې سره خبرو ته او امریکا سره د کانونو هوکړې لاسلیک ته اماده دی.
ټرمپ سهشنبه شپه کانګرېس ته په یوه وینا کې د یاد لیک له نقلولو سره وویل: «اوکراین چمتو دی چې ژر تر ژره د خبرواترو میز ته راشي، څو دوامداره سوله نږدې کړي. هېڅوک د اوکراینیانو په پرتله سوله نه غواړي.»
د سلاموطندار پښتو فېسبوکپاڼه وڅارئ
د یاد لیک په یوه برخه کې زېلېنسکي ویلي: «زه او زما ټیم د ولسمشر ټرمپ د قوي مشرتابه لاندې کارکولو ته چمتو یوو، څو یوه دوامداره سوله ترلاسه کړو.»
الجزیرې خبري شبکې لهخوا په خپو شوي راپور کې د ټرمپ له خولې ویل شوي: «ایا دا به ښکلې نه وي؟ «دا د دې لېونتوب د بندولو وخت دی. دا د وژنې د بندولو وخت دی. دا د دې بېمعنی جګړې د پای ته رسولو وخت دی. که تاسو غواړئ جګړې پای ته ورسوئ، نو تاسو باید له دواړو خواوو سره خبرې وکړئ،»
سلاموطندار پر ټویټر هم وڅارئ
ټرمپ دا څرګندونې څو ورځې وروسته له هغې کوي چې د نوموړي او زېلېنسکي ترمنځ په اوول دفتر کې لیدنه له نانندریو ډکه وه، چې له امله یې، امریکا پر اوکراین خپلې مرستې هم بندې کړې.