د امریکا ولسمشر ډونالډ ټرمپ د یوه نوي فرمان په لاسلیک کولو سره، متحده ایالتونو ته د بهرنیو وګړو په ورتلو بندیزونه نور هم پراخ کړل.
د راپورونو پر اساس، سپینې ماڼۍ تېره ورځ وویل چې د دې فرمان له مخې پر افغانستان او د نورو ۱۱ هېوادونو پر وګړو د لګېدلو محدودیتونو ترڅنګ، تازه د پنځو هېوادونو – بورکینا فاسو، مالي، نایجر، سویلي سوډان او سوریې – پر اتباعو بشپړ بندیزونه لګول شوي.
سپینې ماڼۍ ویلي: «دا بندیزونه د هغو بهرنیو اتباعو د سفر مخنیوي لپاره اړین دي چې په اړه یې متحده ایالات کافي مالومات نهلري، ترڅو هغه خطرونه وارزوي چې دوی یې رامنځته کوي. دا د ولسمشر دنده ده چې اقدام وکړي او ډاډ ترلاسه کړي چې هغه کسان چې زموږ هیواد ته د ننوتلو هڅه کوي د امریکا خلکو ته زیان نه رسوي.»
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د امریکا ولسمشر وروسته د یوشمېر هېوادونو پر وګړو د سفر بندیز ولګاوه چې یوه وسلهوال بریدګر د تېرې نومبر میاشتې په ۲۶مه واشنګټن کې د ملي ساتونکو پر غړو ډزې وکړې.
ورته وخت کې د «افغان ایواک» په نوم د کډوالو ملاتړې ادارې ویلي، د امریکا د ولسمشر نوي فرمان پر اساس، د هغو افغانانو لپاره د سفر معافیت لغوه شوی چې د کډوالۍ ځانګړې ویزې «SIV» لري او هغوی نور امریکا ته د سفر اجازه نهلري.
د امریکا حکومت دغه اقدام د امنیت خوندیتوب، د کډوالۍ قوانینو اجرا او د احتمالي ګواښونو مخنیوي لپاره مهم بللی دی.
د محدودیتونو پراخ شوی لیست د دسمبر په پنځمه د کورني امنیت وزیرې کریسټي نوم لخوا د هغې اعلان وروسته رامینځته شو، چې د هغې پلان یې په ګوته کړ چې د سفر بندیز لیست کې د هیوادونو شمیر زیات کړي.