د تورخم او د پکتیا ډنډپټان ولسوالي کې د خرلاڅي دروازې تېره شپه ډیورنډ فرضي کرښه کې د اسلامي امارت او پاکستاني ځواکونو ترمنځ له جګړې وروسته تړل شوي.
د پکتیا ډنډپټان ولسوالي کې يوې رسمي سرچینې نن (يکشنبه، میزان ۲۰) سلاموطندار ته وويل، له پاکستان سره د خرلاڅيو دروازه د پاکستاني لوري لخوا تړل شوې.
د سرچينې په خبره، دروازه د تېرې شپې له جګړې وروسته وتړل شوه.
پکتيا کې د سوداګرو د اتحاديې مسولان هم وايي چې خرلاڅي دروازه له تېرې شپې راهیسې د تګ راتګ پرمخ تړل شوې.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د سوداګرو اتحاديې د مسوولانو په خبره، ډيری باروړونکي موټر له دروازې بيرته راګرځيدلي دي.
تر دې وړاندې د ننګرهار د رسنیو دفتر یوه خبرپاڼه کې ویلي وو چې تورخم دروازه د هر ډول تګ راتګ پرمخ تړل شوې.
تورخم او خرلاڅي دروازې په داسې حال کې د پاکستان له لوري تړل کیږي چې تېره شپه د افغان ځواکونو له لوري د ډیورنډ فرضي کرښې په اوږدو کې په پاکستاني پوستو بریدونه وشول.
د اسلامي امارت چارواکو ویلي چې دغو بریدونو کې پاکستاني ۵۸ پاکستاني نظامیان وژل شوي او ۳۰ نور ټپیان دي.