د هلمند مرکز لښکرګاه ښار اړوند ناحیو کې په ۳۹ میلیونه افغانۍ د سړک جوړونې درې پروژې بشپړې او ګټېاخیستنې ته سپارل شوې دي.
د لښکرګاه ښاروالي د عامه اړیکو مسوول محمدطاهر ابشار سلاموطندار ته وايي چې دغه پروژې د ښار په لومړۍ، پنځمه، اتمه، څلورمه او درېیم ناحیو کې پلې شوې چې اوږدوالی یېو ۵۷۶۰ مټرو ته رسېږي.
د سلاموطندار پښتو فېسبوکپاڼه وڅارئ
د هلمند اوسېدونکي بیا وايي، د ښاروالي د دغه پرمختیايي پروژو په پليکېدو سره له ټرافیکي بېنظمیو خلاص او له بېلابېلو اسانتیاوو برخمن شي.
د لښکرګاه اوسېدونکي عبدالمالک وویل: «پخوا ډېر په تکلیفو وو، دا سړکونه ډېر تنګ وو، اوس هوسا شوي یوو، سړکونه پراخه شول، مریض پرې رسولای شو.»
د فدامحمد سلاموطندار ته وویل: «اوس ډېره اساني جوړه شوې ده پخوا به دلته زیات رش وو اوس هر کار موږ ډېر اسانۍ سره کولای شو مریض هم پر وخت بیولای شو.»
د هلمند لښکرګاه ښاروالي د معلوماتو له مخې، دغه ښار کې بېلابېلې نورې پراخیتايي پروژې هم تر کار لاندې دي چې د روان کال په اوږدو کې به يې، چارې بشپړې شي.