د هند په کوربهتوب د روان یو ورځنیو سیالیو نړیوال جام کې نن کوربه هندۍ لوبډله له سریلانکا سره لوبه کوي.
ټاکل شوې چې یاده سیالي نن پنجشنبه د نومبر دویمه د هند د ممبی په «وانګېډه کرېکټ لوبغالي» کې ترسره شي.
د سلاموطندار پښتو فېسبوکپاڼه وڅارئ
د هند کرېکټ ملي لوبډلې تراوسه په روان نړیوال جام کې شپږ سیالي کړي او ټولې یې ګټلې دي. دا لوبډله دا مهال د جدول په دویمه ځای کې شتون لري.
هندۍ لوبډلې په وروستیو پنځو یو ورځنیو سیالیو کې چې د سریلانکا کرېکټ ملي لوبډلې سره یې کړي، دې لوبډلې ته په یو اړخیزه توګه ماته ورکړې ده.
سریلانکا بیا دې نړیوال جام کې له کړیو شپږو سیالیو څخه دوه ګټلي او څلور یې بایللي دي. سریلانکا د جدول په اووم ځای کې شتون لري.
د یادو سیالیو په لړ کې بېګاه د سوېلي افریقا کرېکټ ملي لوبډلې په یوې په زړه پورې لوبه کې نیوزیلنډ ته ماته ورکړه. سوېلي افریقا دې بریا سره د جدول لومړي ځای ته پورته شوه. نیوزیلنډ بیا څلورم ځای ته ښکته شوه.