د افغانستان او سریلانکا ترمنځ د شل اوریزو او یو ورځنیو سیالیو لوبلړۍ رسمآ وځنډېدې.
د افغانستان کرکټ بورډ نن چهارشنبه وویل چې سریلانکا سره د دریو شل اوریزو او دریو یو ورځنیو نړیوالو سیالیو لوبلړۍ چې په پام کې وه د روانې مارچ میاشتې له ۱۳مې تر ۲۵مې نېټې متحده عربي اماراتو کې ترسره شي، د اوس لپاره ځنډېدلي.
کرکټ بورډ لیکلي چې دغه سیالۍ سیمه کې د روان وضعیت پراساس د رامنځته شویو لوژستیکي ننګونو او د الوتنو د محدودیتونو له امله د ۲۰۲۶ کال وروستیو میاشتو ته ځنډول شوي دي.