د نیدرلنډز دفاع وزارت وايي چې دغه هېواد او ډنمارک به د روسې پر وړاندې جګړې لپاره اوکراین ته «لیوپارډ ۲» ۱۴ نوي ټانکونه وسپاري.
دغه وزارت نن پنجشنبه، جولای ۲۵مه یوې خبرپاڼه کې ویلي چې دغه ټانکونه د جرمني د « Rheinmetall» لهخوا جوړ او تر ازمایښت وروسته، دې ته اماده شوي چې اوکراین ته ولېږدول شي.
د سلاموطندار پښتو فېسبوکپاڼه وڅارئ
دواړو هېوادونو د تېرکال اپرېل میاشت کې اعلان کړی وو چې ټانکونه به له یوه درېیم هېواد اخلي او اوکراین کې د جګړې لپاره به یې، چمتو کوي.
دغه وزارت اوکراین ته د یادو ټانکونو د لېږد کره نېټه نهده په ډاګه کړې، خو یوازې ویل شوي چې د دوبي له پای ته رسېدو وړاندې به یاد ټانکونه اوکراین ته ورکړل شي.
د هلند دفاع وزارت په خبرپاڼه کې ویل شوي چې دغه ټانکونه به جګړه کې اوکراین سره مرسته وکړي، څو مخکښ واوسي.
لیوپارډ ۲ ټانکونه چټک وېشتل کوي، ګړندی تګ لري او له خپلې خدمې په غوره توګه ساتنه کولی شي.