د تخار محلي مسوولان وايي چې د دغه ولایت مرکز تالقان ښار کې د «شهروان کانال» د پراخېدو چارې یې پیل کړې دي.
د دغه ولایت والي عبیدالله امینزاده د یاد کانال د پراخېدو چارو د پرانېستلو پر مهال وویل چې د شهروان کانال دواړو لوریو ته به غصب شوې ځمکې بېرته راوګرځول شي.
په ورته مهال د تالقان سیندیزې حوزې رییس صبغتالله قانع بیا وايي چې د یاد کانال شاوخوا پنځه کیلومټره ځمکه چې د خلکو له لوري غصب شوې وه، د بېرته راګرځولو چارې یې پیل شوې دي.
د نوموړي په وینا، دې سیمه کې یې ټول کورونه او هغه بندونه چې په خپلسري توګه جوړ شوي وو، ویجاړ او کانال سره به یې یوځای کړي.
د وروستیو کلونو پر مهال د تالقان ښار اړوند شهروان کانال ته نږدې د هستوګنې کورونه جوړ کړي چې د یاد کانال د اوبو کمېدو او ناپاکۍ لامل شوی دی.
په همدې حال کې د یاد ولایت د مسوولانو د معلوماتو له مخې، د دې کانال د اوبو کمښت سره د بهارک ولسوالي مرکز خواجهغار کې تر ځمکې لاندې د اوبو کچه له ۲۰ مټرو ۴۰ مټرو ته ښکته شوې.
سلاموطندار پر ټویټر هم وڅارئ
د شهروان کانال په پراخېدو سره به د مرکز تالقان ښار او یوشمېر ولسوالیو کې زرګونه جریبه ځمکه خړوبه او خلکو به د اوبو کمښت ستونزې څخه خلاص شي.