د ټولګټو وزارت مسوولان وايي چې د ۳۷۵ میلیونه افغانیو په ارزښت د کندهارښار-سپینبولدک ترمنځ د څه باندې ۳۹ کیلومټره سړک د جوړېدو چارې پیل شوې.
د چارواکو په وینا، دغه سړک چې ۳۹.۶ کیلومټره کېږي، د نهو میاشتو په موده کې ورغول شي.
د سلاموطندار پښتو فېسبوکپاڼه وڅارئ
د ټولګټو وزارت د پروژو تخنیکي مسوول انجینیر شېرحسن خوشیووال وایي چې د دې پروژې چارې به په اساسي او معیاري توګه بشپړې شي.
د یادې پروژې مشر انجینیر کرامتالله سلاموطندار ته وویل: «د اسلامي امارت د مشرتابه له لارښوونې سره سم، د دې سړک کار بیا پیل شو. دا پروژه د کیفیت د تضمین لپاره ځانګړي انجنیران لري چې رغنیزې چارې څاري.»
د تړونکوونکي شرکت استازي، انجینیرعبدالصمد هم وویل: «په پروژه کې درې پلونه او یوه اورلۍ شته. د کار ټولې چارې د کیفیت له مخې په ښه ډول پرمخ روانې دي.»
بلخوا د کندهار اوسېدونکي او موټرچلوونکي بیا د یاد سړک د رغېدو چارو ته خوښ دي او وايي، د دې لارې رغونه به د ټرافیکي پېښو د کچې کمېدو ترڅنګ، د وسایطو ساتنې لګښت هم راکم کړي.
موټرچلوونکي صالح محمد وویل: «دا پروژه د وطن او ملت په ګټه ده، ځکه د ټرافیکي پېښو کچه به ورسره راکمه شي.»
د کندهار اوسېدونکی تاج محمد وايي: «د سړک جوړېدو سره به خلکو ته زیاتې ګټې ورسوي او د ترانسپورتي ستونزو کچه به راکمه شي.»
د کندهار-سپین بولدک سل کیلومتره سړک د مخکیني حکومت پرمهال پیل او بیا یې، چارې وځنډېدې چې د سوېلې حوزې د ترانسپورت لپاره یوه حیاتي پروژه بلل کېږي.
دغه لار د افغانستان د صادراتو په ځانګړي ډول پاکستان او هند ته د توکو لېږد کې مهم رول لري.