د مدافع وکیلانو ټولنه: عدلیې وزارت مو د وزیرانو شورا د تصویب خلاف فعالیتونه ځنډولي
د افغانستان د مدافع وکیلانو د خپلواکې ټولنې یو شمېر غړو د دوشنبې په ورځ په کابل کې یوې خبري ناستې ته وویل، د اسلامي امارت د عدلیې وزارت د وزیرانو شورا د تصویب خلاف د مدافع وکیلانو د ټولنې فعالیتونه ځنډولي دي. هغوی وایي؛ د عدليې وزارت د وزیرانو شورا له مصوبې څخه په ناسم تعبیر اخیستو سره غواړي چې دا ټولنه منحل اعلان او مال، توکي، شتمني او د دې ټولنې په بانکي حساب کې شته پیسې دغه وزارت ته انتقال کړي.