صالح: د ۱۳ نوم ورکو پولیسو نیول کېدل بې مانا عمل دی، د بېرته خوشې کېدو امر مې صادر کړ
د ولسمشر لومړی مرستیال امرالله صالح وايي، د هغو ۱۳ امنیتي منسوبانو د خوشې کېدو امر يې صادر کړی چې په کابل پوهنتون د تېرې دوشنبې د برید مخنیوي کې په ناغېړۍ تورن او نیول شوي وو.
امرالله صالح نن پنجشنبه پر خپله فېسبوک پاڼه لیکلي چې د کابل پوهنتون په تړاو د وظیفوي غفلت په نوم د ۱۳ نوم ورکو پولیسو نیول کېدل بې مانا عمل دی او زياته کړې يې ده چې د پېښې په تړاو څېړنې لاهم دوام لري.