د لوړو زدهکړو وزارت سرپرست وايي چې اوسنی حکومت پر عصري زدهکړو داسې کسان روزي چې اسلام او هېواد ته ژمن وي.
نوموړي دغه څرګندونې روزګان ته د خپل سفر پر مهال جوړې شوې یوې غونډې ته کړې دي.
ندامحمد ندیم دې غونډه کې د خپلو خبرو پر مهال ویلي چې پخوا به له ښوونیزو مرکزونو سیاسي استفاده کېد او په وینا یې، اوس له ښوونیزو مرکزونو د سیاسي استفادې لاس لنډ شوی دی.
خو نوموړي نه دي ویلي چې پخوا له ښوونیزو مرکزونو څخه څه ډول او د کومو سیاسي موخو لپاره استفاده کېده. نوموړي ټینګار کړی چې د عصري او دیني زدهکړو ترمنځ واټن لهمنځه وړل شوی دی.
د لوړو زدهکړو وزارت سرپرست دې ناسته کې همداراز ویلي چې اوسنی حکومت افغانانو پورې تړاو لري او له مسوولانو سره خپلې ستونزې شریکولی شي.
د ا.ا د بیاواکمنېدو راهیسې له شپږم ټولګي پورته د نجونو ښوونځي او له هغه څه موده وروسته نجونې زدهکړیالانې له پوهنتون راګرځول شوي دي.
سلاموطندار پر ټویټر هم وڅارئ
که څه هم د نجونو ښوونځيو او پوهنتونونو د بېرته پرانېستلو په اړه د ا.ا د چارواکو په ګډون نړیوالو هم په وار وار غوښتنې کړي، خو تراوسه ورته پام نه دی شوی.