د امریکا په ډېری برخو کې د «فیرن» په نوم د تاریخي ژمني توپان له امله څه باندې ۴۰۰۰ الوتنې لغوه شوې او د یکشنبې لپاره نږدې ۹۴۰۰ نورې هم ځنډول شوي دي.
دغه توپان چې د ټکساس له لوېدیځ تر ختیځ پورې پراخېدونکی دی، تراوسه د شاوخوا ۲۳۰۰۰۰زره خلکو برښنا پرې کړې ده.
د امریکا د هوا پېژندونکي اداره وايي چې په ډېرو سیمو کې به د واورې، یخ او خورا سړې هوا څپې راننوځي او د ختیځې امریکا دوه پر درېمه برخه به د خطرناکو هوا حالاتو سره مخ وي.
ولسمشر ډونالډ ټرمپ د څو ایالتونو لپاره د فدرالي بیړني وضعیت اعلانونه تصویب کړي، څو د ژغورنې او بیړنیو مرستو لړۍ وڅاري.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
همداراز د امریکا د برښنا شبکې پر سېسټم د یخنۍ له امله ډېر فشار راغلی او د برښنا رسونې د ټیمونو د بیړنیو اقداماتو غوښتنه شوې، څو د احتمالي لویو برښنا ټکانونو مخنیوی وشي.
د هوا له خرابیدو سره د الوتنو شرکتونو لکه ډیلټا او یونایټډ ایرلاینز هم خپلې الوتنې له سره تنظیموي او مسافرینو ته د سفر د وختونو د بدلون او لغوهکېدو په اړه خبرداری ورکړی دی.