کېیف کې د امریکا سفارت وايي چې پر اوکراین د روسیې پراخو هوايي بریدونو معلومات یې، ترلاسه کړي او دوی اړ شوي چې خپل سفارت په لنډمهاله توګه وتړي.
دغه سفارت ویلي: «د سفارت کارمندانو ته لارښوونه کېږي چې په خپلو ځایونو کې پاتې شي. د متحده ایالاتو سفارت سپارښتنه کوي چې د متحده ایالاتو اتباع باید د هوايي خبرتیا اعلانېدو په صورت کې په سمدستي توګه پناه واخلي.»
د سلاموطندار پښتو فېسبوکپاڼه وڅارئ
امریکا په کېیف کې خپل سفارت یوه ورځ وروسته له هغې تړي چې دغه هېواد اوکراین ته د لرې واټن وېشتونکو توغندیو د کارولو اجازه ورکړه.
اوکراین د امریکا په لرې واټن وېشتونکو توغندي د لومړي ځل لپاره د دغه هېواد له پولې ۱۲۰ کیلومتره لرې، بریانسک کې یو ښارګوټی په نښه کړی دی.
روسیې لا له وړاندې د لوېدیځ له لوري اوکراین ته د یادو توغندیو د کارونې له امله خبرداری ورکړی دی.