ټاکل شوې چې سبا «جمعه، تلې ۱۳مه» روسیه، چین، ایران، اوزبیکستان، پاکستان، هند، قزاقستان، تاجیکستان او ترکمنستان د مسکو فارمټ کې د افغانستان په تړاو بحث او خبرې وکړي.
د روسیې د بهرنیو چارو وزارت د اعلان له مخې، په دې ناسته کې به د «ملي روغې جوړې» د بهیر پر پیاوړتیا او سرپرست حکومت سره د هېوادونو د اړیکو په اړه خبرې وشي.
د سلاموطندار پښتو فېسبوکپاڼه وڅارئ
د سرپرست حکومت د بهرنیو چارو وزارت سرپرست امیرخان متقي هم دې ناسته کې د ګډون لپاره روسیې ته تللی دی.
سرپرست حکومت وايي، هیلهمند دی چې له دې ناستو ښه ګټه واخلي او په وینا یې، دغه ناستې به وکولای شي، سیمه کې د امنیت او اقتصادي ثبات لامل شي.
د سرپرست حکومت د ویاند مرستیال حمدالله فطرت وايي: «اسلامي امارت له دې ډول فرصتونو مثبته استفاده کوي او دا کولای شي چې سیمهییز اتصال ته زمینه برابره کړي او د هېوادونو ترمنځ هماهنګي هم رامنځته کوي.»
د افغانستان وضعیت ارزونې لپاره د مسکو فارمټ شپږم پړاو داسې مهال جوړېړي چې کارپوهان وايي، دې ناسته کې د ګډونوالو هېوادونو د سیاستونو له امله به د افغانستان وضعیت کې بدلون رانهشي.
د سیاسي چارو کارپوه سیداکبر سیال وویل: «له هغه وخت راهیسې چې دا فرمټ جوړ شوی، ټولو ناستو کې امارت ته بلنه ورکړل شوې، خو که د دې ناستو پایلو ته وګورو، په ځانګړې توګه رسمیتپېژندنې برخه کې یې، هېڅ پایله نهدرلودله، ځکه دې ناسته کې ګډونوال هېوادونه د افغانستان په تړاو، یو څه ملاحظات لري.»
د کارپوهانو په وینا، د مسکو فارمټ په څېر ناستې کې هم افغانستان لپاره ډېرې ګټې لري، خو یادې ناستې ډېری د جوړونکو هېوادونو لهخوا د اندېښنو لهمنځه وړو او د نړیوالو سیالیو په ځانګړې توګه ختیځ او لوېدیځ ترمنځ سیالیو ته په کتو جوړېږي چې افغانستان ته د پام وړ ګټې نهلري.
د نړیوالو اړیکو کارپوه نورالرحمان ثاقب وویل: «د افغانستان په تړاو هر ډول ناسته ګټه لري، په ځانګړې توګه اوسني حکومت ته، خو که وګورو دغه ناستې لکه څنګه شي، معلومېږي، د لوېدیځ او ختیځ ترمنځ سیالیو ته په ګتو جوړېږي، په دې صورت بیا د افغانستان ستونزې دوام ومومي، لکه تېر ۵۰کاله.»
روسیې او چین سره له دې چې تېرو درېوو کلونو کې سرپرست حکومت سره ښې اړیکې ټینګې کړي، یوشمېر نور هېوادونه یې هم د افغانستان اوسني سرپرست حکومت سره د تعامل لرلو ته هڅولي دي.