د ټرانسپورټ او هوايي چلند وزارت د هوا پېژندنې ریاست د هېواد په یوولس ولایتونو کې د اورښتونو، تندو بادونو او سېلابونو راوتلو اټکل کړی دی.
دغه ریاست نن پنجشنبه، زمري ۲۵مه د هېواد په ۱۱ ولایتونو «ننګرهار، بدخشان، نورستان، پنجشېر، کونړ، لغمان، لوګر، پکتیا، خوست، پکتیکا، غزني او زابل» کې سبا «جمعه، زمري ۲۶مه او شنبه، زمري ۲۷مه» د اورښتونو اټکل کړی دی.
د سلاموطندار پښتو فېسبوکپاڼه وڅارئ
د هواپېژندنې پر خپله اېکسپاڼه په خپره کړې خبرپاڼه کې ویلي چې په ځینو سیمو کې به د باران کچه له ۱۰ تر ۳۵ سانټي مټرو اټکل شوې.
https://x.com/DChlnd/status/1823991238334255437
په خبرپاڼه کې دا هم ویل شوي چې په شمالی، لوېدیځو، سوېلي، ختیځو او مرکزي ولایتونو، سربېره د سالنګونو په ګډون تېز بادونه، د خاورو او دوړو د پېښېدو اټکل هم کړی دی.
په بېلابېلو سیمو کې د بادونو د چټکتیا کچه په ساعت کې له ۵۰ تر ۷۰ کیلومټره پورې اټکل شوې.