د ښاري اوبو رسونې او فاضلاب دولتي شرکت مسوولان وایي، یاده پروژه د ملګرو ملتونو د ماشومانو د ملاتړ صندوق (یونیسف) په مالي همکارۍ، یو کال کې بشپړه شوې او تر ۱۶۹ میلیون افغانۍ لګښت پرې راغلی.
د دغه شرکت اجراییوي رییس غلامالرحمن کاظم وایي له قرغې بند څخه د اوبو پروژې پرانیستې مراسمو کې وویل، ښایي تر ۲۰۳۰ کال پورې کابل له سختې وچکالۍ سره مخ شي او د نړۍ له هغو پلازمېنو څخه شي چې د پاکو اوبو له جدي بحران سره لاس او ګرېوان وي.
هغه وایي، د وضعیت مدیریت لپاره اسلامي امارت یو شمېر پروګرامونه پلي کوي چې دا پروژه یې یوه برخه ده.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په همدې حال کې د اقتصاد وزارت سرپرست دینمحمد حنیف وویل، یاده پروژه به په کابل کې له ۶۰ تر ۷۰ زره کسانو لپاره د څښاک د پاکو اوبو اړتیا پوره کړي.
نوموړی له ملي او نړیوالو مؤسسو غواړي چې د اوبو رسونې په پروژو کې پانګونه وکړي.
همداراز، د کرنې، اوبولګولو او مالدارۍ وزارت مسلکي معین صدر اعظم عثماني له ښاریانو غواړي چې د اوبو په مصرف کې احتیاط وکړي.
د ښاري اوبو رسونې او فاضلاب دولتي شرکت د مالوماتو له مخې، د دې پروژې په تطبیق سره به د خوشحالخان، دیوانبیګي، دهبوري، سیلو، کوټهسنگي او یو شمېر نورو سیمو اوسېدونکي ګټه پورته کړي.