روان کال د هېواد سويل ختيځ زون کې د جلغوزيو په حاصلاتو کې ٣ برابره زياتوالي راغلی
د خوست ولايت مقام وياند مستغفر ګربز ویلي، تېر کال له پکتیکا، پکتیا او خوست ولایتونو شاوخوا ۵ زره ټنه د جلغوزیو حاصل ترلاسه شوی و، خو سږ کال یې حاصلات نږدې ۲۰ زره ټنو ته رسيږي چې ۳ برابره زیاتوالی ښيي.
هغه ويلي چې سږني جلغوزې د کیفیت له اړخه هم د تېر کال په پرتله غوره دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ګربز همداشان ويلي چې دامهال د خوست جلغوزې یوازې چین او پاکستان ته صادریږي، خو د خوست ولایتي اداره د مرکزي حکومت سره په همغږۍ هڅې کوي، څو د خوست د جلغوزیو د صادراتو لړۍ نورو نړیوالو بازارونو ته هم وغځېږي.
د یادونې ده چې د پکتيا او پکتيکا ولايتونو جلغوزې هم له ونو تر شکولو وروسته، له غوټو د سپړلو او بسته بندۍ لپاره خوست ته وړل کيږي.