د بهرنیو چارو وزارت د ویاند مرستیال ضيا احمد تکل ویلي چې د دغه وزارت سرپرست امیرخان متقي تېره ورځ (یکشنبه د ثور ۱۸) تهران کې د ایران ولسمشر مسعود پزشکیان سره ليدلي.
دغه لیدنه کې د ايران ولسمشر ويلي چې هېواد يې چمتو دی په ټولو برخو کې افغانستان سره اړيکې پراخې کړي.
مسعود پزشکيان همداراز د دواړو هېوادونو پر نږدېوالي ټينګار وکړ او افغان کډوالو ته يې د اسانتياوو په اړه د همکارۍ ډاډ ورکړ.
امیرخان متقي هم د افغانستان او ایران ترمنځ پر مثبتو اړيکو او نږدې همکاريو ټينګار کړی دی.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
هغه د دواړو هیوادونو ترمنځ د سوداګرۍ د زیاتوالي، د مخدره توکو د قاچاق کنټرول او د سیاسي اړیکو د پراختیا غوښتنه وکړه او وې ویل، د کډوالو د ستنولو بهير دې په تدريج ترسره شي، ترڅو د هغوی چارې او شتمني زيانمنه نه شي.
د یادونې ده چې د بهرنیو چارو وزارت سرپرست امیر خان متقي تېره ورځ ایران کې د تهران د خبرو اتو فورم ته د وینا پرمهال د افغانستان بهرني سیاست ته په اشارې ویلي، د افغانستان امنیت د سیمې، ګاونډیو هېوادونو او نړۍ په ګټه دی او تېرو ۴۰ کلونو کې افغانستان د متوازن سیاست نهلرلو له امله د قدرتونو د سیالیو قرباني شوی.
د هغه په خبره، اسلامي امارت د یوه هېواد د دوستۍ او مخالفت لپاره د بل هېواد پر وړاندې نهدریږي او غواړي له نړۍ سره متوازنې اړیکې ولري.