والسټرېټ ژورنال ورځپاڼې راپور ورکړی چې د کویټ جنګي الوتکې په تېروتنه د امریکا درې F-15 جېټالوتکې ویشتلې دي.
د پېښې له لومړنیو راپورونو سره سم، یوې کویټي جنګي الوتکې د روانې اوونۍ د یکشنبې پر ورځ د امریکا درې F-15 جنګي الوتکې په تېروتنه ویشتلې دي.
د پېښې له جزئیاتو خبرو سرچینو ویلي چې د کویټ د هوايي ځواک د F/A-18 یوې الوتکې پیلوټ پر امریکايي الوتکو درې توغندي ویشتلي دي. دا معلومات د امریکا د یوه چارواکي له لوري هم تایید شوي دي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د راپورونو له مخې، درې واړه امریکايي F-15 الوتکې غورځېدلې دي، خو د الوتکو پیلوټان او ورسره ناست عمله (back-seaters) وتوانېدلي چې په خوندي ډول ځانونه د ایجکشن له لارې وباسي.
پوځ ویلي چې د پېښې له امله د انساني تلفاتو راپور نشته.
چارواکي زیاتوي چې د پېښې په اړه لاهم پلټنې روانې دي او تراوسه د توغندیو د توغولو د لامل او شرایطو په اړه وروستۍ پایله نهده اعلان شوې.