د غزې په بېلابېلو سیمو کې د اسراییلي ځواکونو د بریدونو پرمهال ۲۰ کسانو خپل ژوند له لاسه ورکړی دی.
د الجزیرې خبرې شبکې د راپور له مخې، دغه کسان د نصیرات کډوالو کمپ، زیتون او شیخ رضوان سیمو کې د اسراییلو په بریدونو کې خپل ژوند له لاسه ورکړی دی.
د نصیرات کمپ کې لس او پاتې لس کسان چې ښځې او ماشومان هم پهکې شامل دي، زیتون او شیخ رضوان سیمو کې مړه شوې دي.
له هغه وخت راهیسې چې اسراییلو پر غزې برید پیل کړی، تراوسه څه باندې ۴۱۲۲۶ کسان مړه شوي او څه باندې ۹۵۴۱۳ کسان هم ټپیان شوې دي.
له دې سربېره د اسرییلي ځواکونو لهخوا میلیونونه کسان د خپلو مېنو پرېښودو ته اړ شوي او زرګونه فلسطینیان بیا د اسراییلو زندانونو کې شپې او ورځې تېروي.