اسراییلي رسنیو راپور ورکړی چې له لبنان څخه د یاد هېواد پر یوشمېر سیمو د ټانک ضد توغندي وروېشتل شوې دي.
په راپورونو کې ویل شوي چې حزبالله پر اسراییلو ۲۰ توغندي، توغولي چې ډېری یې، د اسراییلو له لوري شنډ شوي دي.
د یادو بریدونو په غبرګون کې د اسراییلو جت الوتکو او توپخانو لبنان کې د حزبالله پر مرکزونو بریدونه کړي دي.
د اسراییلو د پوځ په بیان کې راغلي چې بریدونه د لبنان سوېل، په چیهین، طیبه، بلیدا، میسالجبل، عیتارون او کفرکیله سیمو کې شوې دي.
د حزبالله لهخوا د وېشتل شویو توغندیو له ډلې، لس هغه یې، د اشغال شوي جولان لوړو په هرمون سیمه کې لګېدلي دي. دغلته د اسراییلو څارونکې، جاسوسي او د هوايي دفاع مهم بنسټونه شتون لري.
پر غزې د اسراییلو د برید پیل راهیسې لبنان پر اسراییلو زرګونه توغندي وېشتلي او په ځواب کې یې، اسراییلو د یاد ډلې پر مرکزونو بریدونه کړې دي.