د افغانستان سرپرست حکومت له ګاونډیو هېوادونو غوښتنه کړې چې د افغان کډوالو پر وړاندې له زغم کار واخلي.
سرپرست حکومت «سهشنبه د لړم نهمه» په یوې خبرپاڼه کې له ګاونډیو هېوادونو د مننې ترڅنګ غوښتي چې افغان کډوال دې نهباسي، وخت دې ورکړي او د بشري عاطفې له مخې دې زغم ولري.
د سلاموطندار پښتو فېسبوکپاڼه وڅارئ
په خبرپاڼه کې پرته له دې چې د کوم هېواد نوم واخیستل شي، ویل شوي چې افغان کډوال د هغو هېوادونو چې دوی پهکې ژوند کوي امنیت ته کوم ګواښ نه دی پېښ کړی او نه هم پهکې ښکېل دي.
په خبرپاڼه کې همداراز راغلي چې کوربه هېوادونو کې د افغان کډوالو شتمني او مالونه د افغانانو حق بلل شوی او ټینګار شوی چې څوک باید له افغان کډوالو دغه شتمني ونهګرځوي.
په ورته مهال خبرپاڼه کې پر سوداګرو او عامو افغانانو هم غږ شوی چې د راستانه شویو کډوالو د ځای پر ځای کېدو، درملنې او نورو برخو کې له اړوند کمېسیون او ادارو سره په همغږۍ مرسته وکړي.
په پاکستان او نورو هېوادونو کې د افغان مهاجرینو په اړه د اسلامي امارت اعلامیهhttps://t.co/Y1Yt93bky7 pic.twitter.com/1PcOdGo5Ib
— Zabihullah (..ذبـــــیح الله م ) (@Zabehulah_M33) October 31, 2023
له پاکستان څخه د افغان کډوالو د ایستلو لړۍ پیل لپاره ټاکل شوې نېټه پرون سهشنبه د اکتوبر ۳۱مه پای ته ورسېده چې ورسره نن چهارشنبه له دغه هېواده د افغان کډوالو د ایستلو لړۍ پیلېږي.
که څه هم زرګونه کورنۍ په داوطلبانه توګه د وروستۍ یوې میاشت پر مهال له پاکستان څخه افغانستان ته راستنې شوي، خو لا هم زرګونه کورنۍ شته چې د ناوړه اقتصادي وضعیت له امله نهغواړي افغانستان ته ستنې شي.