د ایران د بهرنیو چارو وزیر سیدعباس عراقچي د اسلو نړیوالې ۲۲مې ناستې په څنډه کې د ناروې د بهرنیو چارو وزیر سپن بارتایده سره د افغانستان، سیمهییزو دوه اړخیزو اړیکو او نورو موضوعاتو په تړاو خبرې کړې دي.
د ایران د بهرنیو چارو وزارت له لوري نن پنجشنبه، غبرګولي ۲۲مه، په خپره شوې خبرپاڼه کې ویل شوي چې په دې لیدنه کې د ایران او امریکا ترمنځ وروستۍ خبرې هم ارزول شوي دي.
په خبرپاڼه کې همداراز راغلي چې د افغانستان تحولات د دواړو خواوو ترمنځ د خبرو له اصلي موضوعاتو څخه وو، خو په دې تړاو یې، نور جزییات نهدي ورکړي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
ایران او ناروې په سیمه او اروپا کې دوه هغه هېوادونه دي چې د وروستیو کلونو پرمهال یې، د افغانستان له سرپرست حکومت سره نسبتآ منظمې اړیکې درلودې، که څه هم اسلامي امارت تراوسه د کوم هېواد لهخوا په رسمیت نهدی پېژندل شوی.
د اسلو دوه وېشتمه نړیواله ناسته تېره ورځ، چهارشنبه، غبرګولي ۲۱مه، د ناروې پلازمېنه کې پیل شوه. په دې ناسته کې د نړۍ لوړپوړي سیاسي چارواکي د نړۍ پر سیاسي او امنیتي موضوعاتو خبرې کوي.