د پاکستان د بهرنیو چارو وزیر اسحاق دار تایید کړې چې ایران د پاکستان تر بیرغ لاندې ۲۰ نورو بېړیو ته اجازه ورکړې چې د هرمز له تنګي تېرې شي.
اسحاق دار دا پرېکړه «رغنده ګام» بللی او ویلي یې دي چې دا اقدام د سولې لپاره هیلې زیاتوي او د سیمې د ثبات په ټینګښت کې مرسته کوي.
ټاکل شوې ده چې پاکستان نن یکشنبه د منځني ختیځ د روانو کړکېچونو په اړه د څلور اړخیزې غونډې کوربه وي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
په دې غونډه کې به د ترکیې، پاکستان، مصر او سعودي عربستان لوړپوړي ډیپلوماټان په اسلاماباد کې سره راټول شي، څو د سیمې د تاوتریخوالي د کمولو پر هڅو خبرې وکړي.
دا په داسې حال کې ده چې د هرمز تنګي له لارې تګراتګ د مارچ له پیل راهیسې د امریکا او اسراییلو او ایران ترمنځ د جګړې له امله سخت محدود شوی دی.