د کډوالۍ نړیوال سازمان «ایاواېم» وايي چې د هایټي هېواد ۴۰ اوسېدونکي د کښتۍ اور اخیستلو پېښه کې خپل ژوند له لاسه ورکړی دی.
د یاد سازمان په وینا، پېښه کې یوشمېر کسان ټپیان شوي هم دي.
د سلاموطندار پښتو فېسبوکپاڼه وڅارئ
کښتۍ کې څه باندې ۸۰ کسان سپاره وو او د هایټي له شمال «فورټسېن مېشل» څخه تورکس او کایکس ټاپوګانو ته روانه وه. یاده سیمې له یوه بل ۲۵۰ کیلومټره لري دي.
د کډوالۍ نړیوال سازمان د معلوماتو له مخې، کښتۍ د هایټي هېواد په شمالي ساحل کېپهاییټن کې اور اخیستی دی.
شاوخوا ۴۱ کسان د هایټي ساحیلي ګارډ لهخوا ژغورل شوي دي.
د هایټي چارواکي وايي چې کښتۍ کې سپرو کسانو له اوبو د خوندي وتلو لپاره شمعې بلولې چې کښتۍ کې له پټرولو ډکو بوشکو او راخیستی دی.
هایټي له کلونو راهیسې د ناقانونه وسلهوالو ډلو له تاوتریخوالی سره مخ دی. د روان کال فبرورۍ کې یادو ډلو پلازمېنې پورټوپرنس پر بېلابېلو سیمو برید وکړ او مهم پوځي مرکزونه یې ونیول.
د یادو بریدونو او تاوتریخوالي له امله زرګونه کسان اړ شول چې خپلې سیمې پرېږدي او خوندي ځایونو ته وکوچېږي.