چین کې چارواکي وايي، د لومړي ځل لپاره یې، د کارګو ډرون الوتکه چې دوه ټُنه توکي پهکې بار و، ازمایښتي الوتنه کړې.
دغه دوه موټورلرونکې بېپېلوټه الوتکه چې د سچوان ټنګدن علمي او ټکنالوژۍ دولتي شرکت له لوري جوړه شوې، د چین سوېللوېدیځ سچوان ایالت کې د ۲۰ دقیقو لپاره الوتنه کړې ده.
د سلاموطندار پښتو فېسبوکپاڼه وڅارئ
د تینګدن لهخوا د دغې جوړې شوې الوتکې د وزرونو اوږدوالی، ۱۶.۱ مټر او لوړوالی یې، ۴.۶ متره دی. د سسنا ۱۷۲ څلور څوکۍ لرونکې الوتکې څخه لږ لویه جوړه شوې.
د نړۍ د ډرون الوتکو تر ټولو ستر هېواد کې داسې مهال تر ټولو لویه ډرون الوتکه ازمایل کېږي چې ټرانسپورټي شرکتونه بېپېلوټه او پیلوټلرونکې هوايي ټکسي خدمتونو باندې تمرکز لري.
د دې لپاره چې چین پر خپل هوايي حریم محدودیتونه کموي چې په پایله کې به یې، دغه هېواد له اقتصادي اړخه ښه ګټه ترلاسه کړي.
چین کې تر ۲۰۳۰ کاله د هوايي چلن برخه کې د تنظیم او پراختیا په موخه د شاوخوا دوه ټریلیون یوان «۲۷۹ میلیارډ ډالر» پانګونې وړاندوینه شوې؛ د ۲۰۲۳ کال په پرتله څلور برابره لوړه.
دغه شرکت همداراز پلان لري چې راتلونکی کال د «ټيپي۲۰۰۰» په نوم باروړونکې ډرون الوتکه وازمايي چې دوه ټُنه بار وړي او د اوسنۍ اېچاېچ۱۰۰ بڼې څلور برابره لرې الوتنه کولی شي.