د سرپرست حکومت د ویاند مرستیال حمدالله فطرت وايي چې له افغانستان څخه هېڅ هېواد د ګواښ نشته او په وینا یې، سرپرست حکومت بهرنیو ډلو ته د فعالیت اجازه نهورکوي.
نوموړي دغه څرګندونې د پاکستان د لومړي وزیر شهباز شریف د څرګندونو په غبرګون کې کړې دي.
د سلاموطندار پښتو فېسبوکپاڼه وڅارئ
شهباز شریف د ملګروملتونو ۷۹مه کلنۍ غونډه کې ادعا کړې چې افغانستان کې ځینې ډلې شتون لري او د یاد هېواد په ګاونډیو هېوادونو کې بریدونه کوي.
حمدالله فطرت په یوه ویډیويي کلپ کې چې نن شنبه، تلې اوومه خپور شوی، همداراز د ګاونډیو هېوادونو له مثبتو سیاستونو هرکلی کړی دی.
هغه وویل: «افغانستان د هېچا پر وړاندې خطر او تهدید نهدی. موږ افغانستان بهرنیو ډلو ته د فعالیت اجازه نهورکوو او نهڅوک پرېږدو چې د افغانستان له خاورې نورو ته تهدید متوجه کړي.»
پاکستان له دې وړاندې هم په وار وار دغه هېواد کې د بریدونو او امنیت ضد کړنو ګوته افغانستان ته نیولې، خو سرپرست حکومت بیا د پاکستان امنیت د دغه هېواد کورنۍ مسله بللې.