المان کې چارواکي وايي چې دغه هېواد به نږدې راتلونکې کې له اېربس شرکت څخه ۲۰ یوروفایټر جېټ الوتکې وپېري.
دغه څرګندونې د المان لومړي وزیر اولاف شولز له برلین بهر د «هوانوردۍ نړیوال نندارتون» څنډه کې کړې دي.
د سلاموطندار پښتو فېسبوکپاڼه وڅارئ
پر اوکراین د روسیې برید په ترڅ کې المان د یو هغو هېوادونو له ډلې دی چې دفاعي برخه کې ډېر لګښت کوي. د المان لومړي وزیر همداراز ویلي چې د وسلو تولید او ظرفیت ساتنې ته ژمن دی.
نوموړي ویلي: «له همدې امله موږ به د دې غونډې له پای ته رسېدو، دمخه د ۲۰ نورو یوروفایټر جېټ الوتکو امر وکړو، د ۳۸ الوتکو سربېره چې اوس په پایپ لاین کې دي.» هغه زیاته کړه چې د الوتکو دغه پېر به ایربس شرکت او عرضه کونکو ته ډاډ ورکړي.
د المان هوايي ځواک غواړي چې خپلې زړ ټورناډو جېټ الوتکې لرې او پر ځای یې له یوروفایټر الوتکو ګټه واخلي. یادې الوتکې په انګلستان کې د ټایفون په نوم یادېږي.