پکتیکا کې چارواکي وايي چې دغه ولایت کې د مرغانو د ښکار په تور څلور کسان نیول شوې دي.
د پکتيکا ولايت مقام څخه نن «سهشنبه، تلې لسمه» په رالېږل شوې خبرپاڼه کې ويل شوي چې دغه کسان د مټاخان ولسوالي د احمدزيو په سيمه کې نیول شوي دي.
د سلاموطندار پښتو فېسبوکپاڼه وڅارئ
یادو کسانو په دې سیمه کې د سردې اوبو بند ترڅنګ د مرغانو ښکار کاوه چې د چاپېريال ساتنې رياست کارکوونکو او امنيتي کسانو لهخوا نيول شوي دي.
خبرپانه کې ويل شوي چې له نيول شويو کسانو سره د ښکار وسایل او همدارنګه ۱۲ بېلابېل ډوله مرغان هم ترلاسه شوې دي.
د خبرپاڼې له مخې نيول شوي ښکاريان د نورو قانوني اجراتو په موخه د پکتیکا چاپېريال ساتنې رياست له لوري امنیې قومنداني ته سپارل شوي دي.
دغه کسان داسې مهال د مرغانو د ښکار په تور نیول شوي چې سرپرست حکومت هېواد کې د وحشي ژويو او مرغانو پر ښکار بندیز لګولی دی.