غزني کې د پوهنې ریاست چارواکي وايي چې د یاد ولایت په دوو ولسوالیو کې په ۵۳ میلیونه افغانۍ پنځو ښوونځیو ته ودانۍ جوړېږي
ټاکل شوې چې یاد ښوونځي د دغه ولایت په ګیرو او اندړو ولسوالیو کې جوړ شي چې د جوړېدو ټول لګښت یې د جاپان لهخوا ورکول کېږي.
د سلاموطندار پښتو فېسبوکپاڼه وڅارئ
د غزني د پوهنې ریاست د نشراتو مدیر میاګل صدیق سلاموطندار ته وايي چې د پنځو رغېدونکو ښوونځیو دوه به یې اندړ او درې هغه یې په ګیرو ولسوالي کې جوړېږي.
هر یوه ښوونځي کې به شپږ درسي خونې، تشنابونه، د اوبو رسونې سېسټم او پر برښنا سمبال وي چې په اساسي توګه به ورغول شي.
د غزني د پوهنې ریاست د نشراتو مدیر میاګل صدیق وايي چې د دې ښوونځیو په جوړېدو سره به څه باندې څلور زره زدهکوونکو ته د زدهکړو زمینه برابره شي.
د یادو دوو ولسوالیو اوسېدونکي همداراز له سرپرست حکومت او مرستندویه بنسټونو غواړي چې سیمو کې یې د روغتیا، کرنې او د سرکونو جوړولو برخه کې پروژې پلې کړي.