د بامیان محلي مسوولان وايي چې دغه ولایت کې د یوې ټرافیکي پېښې پرمهال پنځه کسانو خپل ژوند له لاسه ورکړی او دوه نور ټپیان شوې دي.
پېښه نن جمعه، زمري ۱۲مه له غرمې مخکې د یاد ولایت د شبیر ولسوالي په پایموري سیمه کې رامنځته شوې. پېښه کې یوه کرولا ډوله موټر له یوه باروړونکي موټر سره ټکر کړی دی.
د سلاموطندار پښتو فېسبوکپاڼه وڅارئ
په مړو شویو کې دوه مېرمنې هم شاملې دي.
د بامیان د والي ویاند عبدالصبور فرزان سیغاني سلاموطندار ته وايي چې یاد موټر له کابل څخه د بامیان شیبر ولسوالي ته روان و.
د نوموړي په وینا، په ټپیانو کې یو ماشوم او ځوان شامل دي چې د ځوان روغتیايي وضعیت د اندېښنې وړ بلل شوی دی.
دغه پېښه داسې مهال رامنځته کېږي چې له دې وړاندې هم دغه ولایت کې ورته پېښو له خلکو قرباني اخیستې. هېواد کې د ډېری ټرافیکي پېښو لامل د لارو خرابوالی، د موټرچلوونکو بېاحتیاطي او له ټرافیک قوانینو سره د موټرچلوونکو نه بلدتیا په ګوته کېږي.