د پکتیکا د کلیو بیارغونې او پراختیا ریاست مطبوعاتي مسوول شفېع همت وايي چې د ياد رياست تر چتر لاندې پرمختيايي مرستو اداره (ORD) دفتر په مالي همکاري د پاکو اوبو پنځه شبکې جوړې او ګټېاخيستنې ته وسپارل شوې.
د همت په وينا، د پاکواوبو یادې شبکې په اومنه، سروضه او ارګون ولسوالیو کې د څه باندې ۷۰۰زره امریکايي ډالرو په لګښت بشپړې شوې دي.
د سلاموطندار پښتو فېسبوکپاڼه وڅارئ
په یادو شبکو کې د پنځه ژورو څاګانو کیندل، د پاکواوبو د پنځو ذخیرو جوړول، د ۱۰۲ سولر تختو او ۸۸ شیردانونو نښلول شامل دي.
د یادو شبکو د کار په جریان کې لسګونه کارګرو ته د کار زمینه هم برابره شوې وه او په بشپړېدو سره یې د يادو ولسوالیو ۱۲۷۰ کورنیو ته د څښاک پاکو اوبو زمينه برابره شوه.