د پکتیکا امنیتي مسوولان وايي چې دغه ولایت کې یې، هغه کس نیولی چې خپل خُسر یې، وژلی و.
د پکتیکا امنیه قومانداني څخه سلاموطندار ته په استول شوې خبرپاڼه کې ویل شوي چې د زرغون شهر ولسوالي د جنايي جرمونو پروړاندې د مبارزې مدیریت منسوبینو هغه قاتل نيولی چې خسر يې په خپل کور کې د ټوپک په وسيله وژلی و.
خبرپاڼه زياتوي چې نیول شوي کس تېره «سهشنبه» شپه شاوخوا ۱۲ بجې خپل خسر چې سلطان محمد نومېده، د ټوپک په ډزو وژلی و.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
خبرپاڼه کې راغلي چې د پېښې ځای ته امنیتي منسوبینو ځانونه رسولی و او د کشفي معلوماتو پربنسټ یې، یاد کس نیولی چې یو میل ټوپک هم ورڅخه ترلاسه شوی دی.
خبرپاڼه کې د پېښې علت او څرنګوالی لاهم ندی په ډاګه شوی.