د اروپايي ټولنې د اسیا برخې د بشري مرستو ادارې ویلي، افغانستان کې څه باندې ۲۱ میلیون کسان پاکو اوبو ته لاسرسی نهلري.
دغه بنسټ نن (دوشنبه، جدي ۱) پر اېکسپاڼه لیکلي چې افغانستان کې د کلونو جګړو او د اقلیمي شرایطو د خرابېدو له امله اوبو ته لاسرسي کې محدودیت سره مخ دي.
د اروپايي ټولنې د اسیا برخې د بشري مرستو ادارې زیاته کړې چې پاکو اوبو ته د کورنیو د لاسرسي لپاره پر څاګانو لاسي بمبې نصبوي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
د ملګرو ملتونو د بشري مرستو د همغږۍ ادارې اوچا هم دوه ورځې وړاندې ویلي وو، افغانستان کې پرلپسې وچکالۍ د افغانانو ژوند له جدي ننګونو سره مخ کړی دی.
همداراز د ملګرو ملتونو د ماشومانو د ملاتړ صندوق یونیسف تر دې وړاندې ویلي وو، افغانستان کې له لسو اته کسان ککړې اوبه څښي.
افغانستان کې د پاکو اوبو نشتوالی یوه جدي ننګونه ګڼل کېږي.
د یادونې ده چې له اقلیمي بدلونونو څخه د افغانستان زیانمنېدو کچه لوړه ده او د چاپیریال ساتنې ملي ادارې له لوري د وړاندې شوو شمېرو پر بنسټ، له دغه بحران سره د مبارزې لپاره ۲۲ میلیارد ډالرو ته اړتیا ده.