د سوېليکوریا د «چېپ جوړولو» اېسکا «SK» شرکت وايي چې تر ۲۰۲۸کال به د مصنوعي ځیرکتیا چېپ جوړولو برخه کې ۷۴.۶ میلیارډ ډالره پانګونه وکړي.
دغه پانګونه به دې شرکت سره مرسته وکړي چې د مصنوعي ځیرکتیا په مرسته خپل چیبونه پیاوړي او پرمختللي کړي.
د سلاموطندار پښتو فېسبوکپاڼه وڅارئ
اېسکا کمپۍ په نړۍ کې د چیپ جوړولو دویم نړیوال شرکت دی چې تر ۲۰۲۶کاله به ۸۰ ټریلیون وون د مصنوعي ځیرکتیا او نورو برخو کې هم پانګونه وکړي.
د رویټرز خبري اژانس د راپور له مخې، دغه شرکت په دې لټه کې ده چې د مصنوعي ځیرکتیا په مرسته به خپل تر ټولو لوی چیپ «HBM» پر تولید تمرکز ولري او بازار کې خپلو سیالانو سره سیالي زیاته کړي.
سوېليکوریا نړۍ کې د چیپ جوړولو تر ټولو ستر شرکتونه لري چې لومړي ځای کې سامسنګ الکټرونیک او دویم ځای کې اېسکا شرکت د چې د چیپ جوړولو بڼې، حافظې او نورو ځانګړتیاوو له امله له خپلو سیالانو وروسته پاتې شوی دی.
د سوېليکوریا حکومت روان کال لومړیو کې ۱۹ ملیارډ ډالره کڅوړه اعلان کړه چې له مخې به یې، د چیپ جوړولو ډیزاین، نوې بڼې ترڅنګ، نورو اړتیاو باندې کار وکړي او بازار کې خپل ځای بېرته ترلاسه کړي.