د بېپولې ډاکټرانو سازمان چارواکي وايي چې د افغانستان په بېلابېلو سیمو کې روغتیایي مرکزونه په دوامداره توګه ملاتړ نهلري.
د بېپولې ډاکترانو سازمان په یوې خپره کړې خبرپاڼه کې ویلي چې افغانستان کې د روغتیا له سکتوره د دوامداره ملاتړ نشتوالي روغتیايي مرکزونه له سختو ستونزو سره مخ کړي دي.
د سلاموطندار پښتو فېسبوکپاڼه وڅارئ
خبرپاڼه کې ویل شوي چې ګڼ روغتیایي مرکزونه له هغې ډلې مزارشریف ښار کې حوزوي روغتون د کارکوونکو معاشونه نهشي ورکولی او هم د درملو، تېلو او اکسیجن د پېرلو وس نهلري.
د بېپولې ډاکترانو سازمان زیاته کړې چې دې ستونزو ناروغانو په ځانګړې توګه نویو زېږېدلو او ناروغو ماشومانو ته د صحي خدماتو وړاندې کولو کې روغتونونه تر ډېره پاتې راوستي دي.
د بېپولې ډاکټرانو سازمان دغه څرګندونې داسې مهال کوي چې د هېواد په ډېری سیمو کې خلک له لومړنیو روغتیايي خدمتونو بېبرخې دي او خپل ناروغان د درملنې لپاره د ښارونو دولتي روغتونونو ته وړي.