افغانستان نن له ایرلنډ سره دویمه شل اووره سیالي کوي
د افغانستان کرېکټ ملي لوبډله نن شپه له ایرلنډ سره د درېوو شل اووره سیالیو د لوبلړۍ په دویمه سیالي کې لوبېږي. افغانستان د یادې لوبلړۍ په لومړۍ شل اووره سیالي کې له ایرلنډ ماته خوړلې او دې لوبه کې به هڅه کوي چې لوبلړۍ برابره کړي. که ایرلنډ دا سیالي وګټي، نو ورسره به د شل اووره سیالیو لوبلړۍ هم په خپل نوم کړي. ټاکل شوې چې یاده لوبه نن یکشنبه، کب ۲۷مه د عربي متحده اماراتو په شارجه کرېکټ لوبغالي کې ترسره شي.