کندوز کې امنیتي چارواکي وايي چې دغه ولایت کې د شوي ځانمرګي برید له امله پنځه کسانو خپل ژوند له لاسه ورکړی او اووه نور ټپیان دي.
د دغه ولایت د امنیه قومنداني ویاند جمعهالدین خاکسار وړاندې ویلي و، چاودنه نن سهار ۸:۳۵ بجې د کندوز ښار د مرکزي کابل بانک کوڅه کې شوې.
د تاجکستان پلازمېنه دوشنبه کې د افغانستان په اړه د منځنۍ اسیا هېوادونو او اروپايي ټولنې د ځانګړو استازو شپږمه غونډه شوې.
د تاجکستان د بهرنیو چارو وزارت یوه اعلامیه خپره کړې چې پکې ویل شوي، په دې غونډه کې په افغانستان کې د سیاسي، اقتصادي او امنیتي پرمختګونو په اړه بحث شوی دی.
د پکتيا امنيه قومنداني مسوولان وايي چې د روان کال د تېرو اوو مياشتو پرمهال د مرکز ګردېز په ګډون، په ۱۴ ولسواليو کې د ۲۹۰ بېلابېلو جنايي پېښو په تور ۶۱۲ کسان نيول شوي دي.
د سرپرست حکومت ویاند ذبېحالله مجاهد وايي چې ا.ا اجازه نهورکوي چې یو ځل بیا امریکا د بګرام اډه ونیسي.
نوموړي دغه څرګندونې دوشنبه، سلواغې ۱۵مه پر اېکسسپېس کړي او زیاته کړې یې ده چې هېڅ داسې هوکړه نشته چې پر بنسټ دې بګرام اډه امریکا یا چین ته ورکړل شي.
د خوست امنيه قومنداني مسوولان وايي چې د یاد ولایت د عليشېرو ولسوالي د یوې کورنۍ د وژل شویو ۱۳ غړیو قاتلان یې، نیولي دي.
د خوست امنيه قومنداني څخه په خپره شوې خبرپاڼه کې ویل شوي چې دغه درې کسان د یادې قومنداني او د استخباراتو رياست د ځواکونو د ګډو هڅو په پایله کې نیول شوي دي.
په داسې حال کې چې له جګړو پاتې ماینونه لا هم له افغانانو قرباني اخلي، د پېښو پر وړاندې د مبارزې ملي ادارې مسوولان وايي، خلکو ته به له بېلابېلو لارو د ماینونو د خطرونو په اړه عامه پوهاوی ورکړي.
د دغې ادارې ویاند محمدعبداللهجان سایق وايي، دغه کمپاین به د ټلوېزیون، راډیو، د تبلیغاتي پوسټرونو لګولو او له ماینونو څخه زیانمنو سیمو ته د ګرځنده ډلو په لېږلو سره سر ته ورسوي.
د افغانستان د بیارغونې لپاره د امریکا ځانګړې پلټونکې ادارې یا سیګار د امریکا کانګرېس ته په خپل شپږشپیتم راپور کې ویلي، په افغانستان کې د داعش، د پاکستان د طالبانو تحریک یا ټيټيپي او القاعدې موجودیت د اندېښنې وړ بللی دی. سیګار ویلي، ترهګرو ډلو په افغانستان کې خپلو فعالیتونو ته دوام ورکړی او داعش هم د دغه هېواد او سیمهييزو ثبات پر وړاندې «مهم ګواښ» دی.
د سرپرست حکومت د ویاند مرستیال حمدالله فطرت افغانستان کې له امریکایي ځواکونو پاتې وسلو او پوځي تجهیزاتو ته د تحریک طالبان پاکستان «ټيټيپي» د غړیو لاسرسي په اړه د پاکستان د بهرنیو چارو وزارت ادعا کړه.
د خوست ولايتي مسوولان وايي چې د عليشرو ولسوالي د مرګونې پېښې په تړاو یې، دوه شکمن کسان نيولي دي.
د خوست ولايت مقام وياند مستغفر ګربز سلاموطندار ته وايي چې بيګاه شپه ۹:۰۰ د عليشرو ولسوالي د ابوخانې سيمه کې وسلهوالو د يوې کورنی لس غړي په ډزو وژلي وو.
سلاموطندار د کار بازار اړتیا ته په کتو د پوهنتونونو تحصیلي نظام په تړاو له ۲۶ زدهکړیالانو سره مرکې کړې دي.
دغه ۲۶ زدهکړیالان چې په بېلابېلو برخو کې پر زدهکړو بوخت دي، ۱۴ زدهکړیالان شکایت کوي چې د پوهنتونونو تحصیلي نصاب نوی نهدی، محدود او د کاربازار اړتیاو سره ورتهوالی نهلري.
د بهرنیوچارو وزارت د اسلامي امارت د مشر شیخ هبتالله اخندزاده او د قاضي القضات د نیولو په اړه د جرمونو د نړیوالې محکمې د څارنوالۍ د غوښتنې په غبرګون کې دغه غوښتنه غیرحقوقي او ناعادلانه بللې.
د کورنيو چارو وزارت مرستيال محمدنبي عمري د جرمونو نړيوالې محکمې وروستۍ پرېکړې ته په غبرګون کې وايي چې دغه محکمه په پرېکړو نیولو کې خپلواکه نهده.
د کډوالو او بېرته راستنېدونکو چارو وزارت سرپرست مولوي عبدالکبير وايي، اوسنی نظام ورته ګران دی او نهغواړي نړۍ سره یې، ښکېل کړي.
نوموړي دغه څرګندونې خوست کې د یوې دیني مدرسې په فراغتغونډه کې کړې دي. عبدالکبیر ټينګار کړی چې سرپرست حکومت له نړۍ سره په «کشمکش کې ښکېلتیا» نهغواړي او په وینا یې، ټولو سره د مثبت تعامل غوښتونکي دي.
د بهرنیوچارو وزارت وايي چې امریکا کې افغان بندي، خان محمد د یاد هېواد له لوري خوشې او نن سهشنبه، سلواغې دویمه هېواد ته راستون شوی دی.
د یاد وزارت ویاند ضااحمد تکل پر خپله اېکسپاڼه په یوې خبره کړې خبرپاڼه کې ویلي چې یاد افغان د امریکايي بندیانو په بدل کې خوشې شوی دی.
د سترې محکمې د اداري مرستیال شیخ عبدالمالک حقاني په مشرۍ قضايي پلاوي ایران ته د سفر پرمهال د هغه هېواد د قضاییه قوې د نړیوالو چارو له مرستیال کاظم غریبابادي سره لیدلي.
د هلمند امنیتي مسوولان وايي چې د یاد ولایت په بېلابېلو ولسوالیو کې د تېرې یوې اوونۍ پرمهال زرګونه کیلوګرامه نشهيي توکي نیول شوي او لهمنځه وړل شوي دي.
د دوی په وینا، یاد نشهيي توکي د بهرامچې، ګرشک، سنګین، باغران او خانشین ولسوالیو کې د ځانګړو عملیاتو پرمهال نیول شوي دي.
