د هېواد په بېلابېلو سیمو کې د درنې واورې اورښتونو پرمهال، له ګاونډیو هېوادونو څخه تازه راستانه شوي، وايي، د هوا په سړېدو، وزګارتیا او د لومړنیو امکاناتو ته د محدود لاسرسي له امله له جدي ستونزو سره مخ دي.
اروپايي ټولنې د افغان ښځو د اقتصادي پیاوړتیا لپاره ۱۰ میلیونه یورو ځانګړي کړل
یاد شرکت د یوې خبرپاڼې په خپرولو سره ویلي چې د پلخمري – کابل پر لویه لاره د ۲۲۰ کیلوولټه وارداتي برښنا مزی د شدیدو ورښتونو له امله زیانمن شوی دی. د دې مزي د پرېکېدو له کبله، په ګڼو ولایتونو کې د برښنا کمښت او پرلهپسې پرچاوۍ رامنځته شوې دي.
د هرات ښار په یوې څنډه کې یوه کوچنۍ کارخونه د ګڼو نجونو او مېرمنو لپاره د عاید پر سرچینې بدله شوې ده.
دغه کوچنۍ کارخونه کال وړاندې د یوې مېرمنې له لوري جوړه شوې چې دا مهال پهکې ۳۰مېرمنو ته د کار کولو زمینه برابره شوې چې پهکې بېلابېل ډوله برښنايي لامپونه جوړوي.
که څه هم روان کال کابل کې د ژمي واوره په ځنډ وورېده، یوشمېر کارګر وايي چې د ژمي له پیله او د واورې په ورېدو سره یې، د کار کولو فرصتونه کم شوي دي.
د دوی په وینا، سړه هوا او د ودانیزو او خدمتونو چارو په کمېدو سره دوی ته ورځنۍ مزدوري کمه شوې د خپلې کورنۍ لومړنۍ اړتیاوې نهشي برابرولی.
د عامې روغتیا وزارت ویاند شرافت زمان امرخېل سلاموطندار سره خبرو کې ویلي، د ۲۰۲۵کال وروستیو درېوو میاشتو کې د هوا ککړتیا له امله ۳.۸ میلیون ناروغانو د هېواد دولتي روغتونونو ته مراجعه کړې ده.
د نوموړي په وینا، په دې موده کې د نږدې ۲.۴ میلیونه ناروغانو عمرونه له ۵ کلونو زیات دي. ۱.۴ میلیون هغه ناروغان دي چې له پنځو کلونو کم عمر لري.
د هېواد په بېلابېلو سیمو کې افغانان د ژمي موسم پرمهال د خپلو کورونو تودو ساتلو لپاره له بېلابېلو وسایلو کار اخلي، خو لروپرتو سیمو او ځینو ښارونو کې بیا تر ډېره صندلۍ کارول کېږي.
صندلۍ نه یوازې د کورونو تودوخې، بلکې د ژمي سړو شپو کې د کورنیو د یوځای کېښناستلو، کیسو او یوځای ټولېدنې وسیله هم بلل کېږي.
د هېواد په یوشمېر ولایتونو کې د وچې مېوې، پلورونکي سلاموطندار ته وايي چې له څه مودې راهیسې د وچې مېوې، ممیزو، جلغوزې، پستې او بادامو بیې تر ۲۰۰ افغانۍ لوړې شوې دي.
د دوی په وینا، په وروستۍ یوه میاشت کې د هر کیلو ممیزو بیه له ۷۰ تر ۱۵۰ افغانۍ، د جلوزې بیه له ۲۰۰ تر ۴۰۰ افغانۍ او یوه کیلو پسته کې هم تر ۱۰۰ افغانۍ لوړې شوې دي.
د چین د بهرنیو چارو وزارت ویاند ګو جیایون نن سهشنبه مرغومې ۳۰مه د خبري ناستې پرمهال خبریالانو ته ویلي چې اسلامي امارت سره یې د تېرې ورځې د چاودنې په اړه خبرې کړې او غوښتنه یې کړې چې د ټپیانو د درملنې په برخه کې بیړني ګامونه پورته کړي.
کندوز کې یوشمېر کوچني کارګر ماشومان د ژوند د ناخوالو تر سیوري لاندې له زدهکړو او لوبو محروم، پر خپلو سپکو اوږو درانه بارونه وړي.
دغه کارګر ماشومان اړ دي چې له سهاره تر ماښامه د کندوز ښار په ګوټ ګوټ کې درانه کارونه وکړي او د شپې خپلې کورنۍ ته یوه مړۍ ډوډۍ پیدا کړي.
د لوګر د بدني روزنې او ورزش امریت مسوولان وایي چې د دغه ولایت په څرخ ولسوالي کې د ولایت په کچه د ۱۵ غوره لوبډلو ترمنځ د والیبال «خزان جام» سیالي پای ته ورسېدې.
د تاجیکستان د پولهساتو ځواکونو له لوري دغه هېواد ته له افغانستان څخه د وراوښتونکو څلور وسلهوالو کسانو تر وژنې وروسته د اسلامي امارت ویاند ذبېحالله مجاهد وايي چې په دې اړه یې، څېړنې پیل کړي او په وینا یې، ښايي دا کسان قاچاقوړونکي وي.
د سلاموطندار موندنې ښيي چې ایران کې د روانو بېثباتیو او ناارامیو سربېره، ډېری افغان ځوان دغه هېواد ته روان دي. د معلوماتو له مخې، له دې وړاندې د اسراییلو او ایران ترمنځ د جګړې پرمهال هم دغه هېواد کې یوشمېر افغانان د جاسوسۍ په تور نیول شوي، شکنجه او په زور له یاد هېواد ایستل شوي دي.
د اسلامي همکاریو سازمان نن شنبه، مرغومې ۲۸مه، د افغانستان په اړه د تماس ډلې د تخنیکي ـ مقدماتي غونډې کوربهتوب وکړ. په دې ناسته کې د تماس ډلې غړو د افغانستان پر وړاندې د ګډ او متوازن چلند پر اهمیت او اړتیا ټینګار کړی دی.
د کابل یوشمېر اوسېدونکو نن «یکشنبه، مرغومې ۲۸مه» د یوې ناستې پرمهال له اسلامي امارت غوښتنه وکړه چې د هېوادوالو ستونزو ته رسېدنه وکړي. دغه ناسته د سرحدونو، قومونو او قبایلو چارو وزارت له لوري د «ملي وحدت، د اسلامي نظام بقا او د خلکو هوساینې» تر سرلیک لاندې جوړه شوې و.
د کډوالو په چارو کې د ملګروملتونو عالي کمېشنري او د کډوالۍ نړیوال سازمان وايي چې له پاکستان د افغان کډوالو د ستنولو بهیر په جنورۍ میاشت کې ۱۸سلنه زیات شوی دی.
د یادو سازمانونو په راپور کې ویلي چې د وروستۍ یوې میاشت پرمهال څه باندې ۱۳۰زره افغان کډوال پاکستان کې نیول شوي او ۹۰سلنه هغه افغان کډوال نیول شوي چې افغان ښاري کارټونه یې لرل او یا هم بېاسناده کډوال وو.
