د هلمند د ټرانسپورټ ریاست مسوولان وايي، دغه ولایت کې تر ۹۰سلنه موټر د افغانستان د ټرافیکي او ټرانسپورټي قوانینو خلاف چلول کېږي.
دوی دغه ولایت کې موټرچلونکو ته سپارښتنه کړې چې د یوې نیمې میاشتې په اوږدو کې خپل موټر د افغانستان چپ لاسته واړوي.
په فاریاب کې یوشمېر بڼوال وايي چې په دغه ولایت کې د موسمي بارانونو د ورېدو او ښه اقلیم له کبله د انګورو حاصلاتو کې د پام وړ زیاتوالی راغلی دی.
د غزني په مرکز او ولسوالیو کې د خلکو په شخصي لګښت د تېرو شپږو میاشتو پرمهال د څه باندې ۴۵ میلیونه افغانیو په لګښت د څه باندې ۳۰ ښوونځیو او دیني مدرسو د جوړېدو چارې پیل کړې دي.
د صنعت او سوداګرۍ وزارت مسوولان وایي، د روان کال په لومړیو پنځو میاشتو کې افغانستان له یوشمېر هېوادونو سره ۴ میلیارده او ۶۰۰ میلیونه ډالره سوداګریزه راکړه ورکړه کړې.
د یاد وزارت د مسوولانو په وینا، د یادې سوداګریزې راکړې ورکړې له ډلې څخه ۴ میلیارده او ۹۱ میلیونه ډالره یې، واردات او ۵۰۹ میلیونه ډالره یې صادرات دي.
د جوزجان په قوشتېپه او درزاب ولسوالیو کې په ۱.۴ میلیارډ افغانۍ د ۵۱ کیلومټره سړک د قیراچوونې چارې پیل شوې.
د جوزجان د ټولګټو ریاست مسوولان سلاموطندار ته وايي چې دغه سړک ۶ مټره پلنوالی لري چې ورسره دوه پُلونه، ۱۳۷ کوچني پُلونه او د ویالو سربېره استنادي دیوالونه هم لري.
د کار او ټولنیزو چارو وزارت مسوولان وايي چې د کار ملي کنفرانس په جوړولو او یوشمېر ادارو سره د هوکړهلیکونو د لاسلیک له لارې غواړي چې ۱.۵ میلیونه کسانو ته په مستقیم او غیرمستقیمه توګه د کار زمینه برابره کړي. د دغه وزارت په وینا، په تېر یوه کال کې د کار بازار له اړتیا سره سم، ۷۴۷۳۸ کسانو ته فني او حرفوي زدهکړې ورکړل شوي دي.
ژوند له لوړو او ژورو تېرېدل دي چې کله به لوېږې، منډې به وهې، رسېږې به او کله ناکله هم پر ځمکه پرېوتل دي. په دې لاره کې شته ځینې کسان چې ماتې ته غاړه ږدي او ډېری داسې کسان هم شته چې له ماتې وروسته، بیا پورته کېږي او مخته درومي او هر هغه خنډ یې چې پر وړاندې درېږي، ترې تېرېږي او خپلو موخو ته ځان رسوي.
د سرپرست حکومت د بهرنیو چارو وزارت د شنبې ورځ د افغانستان او ترکمنستان ترمنځ د ټاپي، نوري فایبر، ټاپي او اورګاډي پټلۍ پروژو د پرانېستلو لپاره د جوړ شوي کمېسیون لومړنۍ غونډه وکړه. د معلوماتو له مخې، دا پروژې به په راتلونکو څو ورځو کې پرانېستل شي.
په افغانستان کې د ملګرو ملتونو د بشردوستانه مرستو د همغږۍ دفتر یا اوچا ویلي چې ناروې د افغانستان له بشردوستانه صندوق سره یو میلیون او ۸۰۰ زره ډالره مرسته کړې ده.
اوچا دا موضوع نن (د وږي اتلسمه، یکشنبه) پر خپل اېکس یوه خبرپاڼه کې لیکلې، خو دا یې نهدي ویلي چې یادې پیسې به په کومه برخه کې ولګول شي.
د سرپرست حکومت د کورنیو چارو وزارت سرپرست سراجالدین حقاني وايي، ا.ا له نشهيي توکو سره د مبارزې لپاره د امکاناتو او تجهیزاتو له کمښت سره مخامخ دی. په همدې حال کې د عامې روغتیا وزارت سرپرست نورجلال جلالي په دې غونډه کې ویلي چې په تېرو درېوو کلونو کې یې د ۱۴۰۰۰ کسانو چې پر نشهيي توکو اخته وو، درملنه کړې ده.
د المپيک کمېټې، بدني روزنې او سپورټ عمومي رياست مسوولان وايي چې د تېرکال پرمهال ورزشکارانو په ٩٨ بهرنيو سياليو کې برخه اخیستې او ۹۲ مډالونه یې، ګټلې دي.
دغه څرګندونې د یاد ریاست مسوولانو نن شنبه، وږي ۱۷مه کابل کې د خپلو یو کلنو لاستهراوړنو د تشرېح پروګرام کې کړې دي.
له قزاقستان وروسته قرغیزستان په رسمي توګه د دغه هېواد د ممنوعه ډلو له نوملړ څخه د «اسلامي امارت» نوم اېستلی دی.
د قرغزستان د بهرنیو چارو وزارت لهخوا په دې اړه خپره شوې خبرپاڼه کې راغلي چې د دغه اقدام موخه په افغانستان او سیمه کې د ثبات ټینګښټ دی.
یوشمېر تقاعد شوې مېرمنې وايي، له تېرو درېوو کلونو راهیسې، خپل تقاعد نهدی اخیستی چې له ګڼو اقتصادي ستونزو سره لاس او ګرېوان دي.
دغه مېرمنې سلاموطندار ته وايي، که څه هم سرپرست حکومت ورسره ژمنه کړې وه چې د تقاعد حقوق به یې ورکړي، خو په وینا یې، د درېوو کلونو په تېرېدو یې، لا هم نهدی ترلاسه کړی.
د افغانستانبانک مسوولان وايي، د روانکال پرمهال هېواد کې د انفلاسیون کچه د پام وړ ساتل شوې او ۲.۵سلنه راکمه شوې.
د یاد بانک د پولي سیاست رییس احمدجواد سداد (نن پنجشنبه، وږي ۱۵مه) د دغه بانک د تېرکال د لاستهراوړنو وړاندېکولو غونډې ته وویل، روانکال د انفلاسیون کچه ۶.۶ سلنه ده، داسې حال کې چې دغه کچه تېرکال ۹.۱سلنه وه.
د لوګر محلي چارواکي وایي چې د لوړو زدهکړو وزارت له لوري د دغه ولایت د لوړو زدهکړو موسسه کې دوه نوي پوهنځي «کمپیوټرساینس او عامه اداره» پرانېستل شوې.
د افغانستان بانک مسوولان وايي چې دغه بانک د تېرکال پرمهال د هېواد په کچه له بازارونو څه باندې اووه میلیارډ زړې افغانۍ راټولې او سوځولې دي.
د یاد بانک مسوولانو دغه څرګندونې نن پنجشنبه، وږي ۱۵مه کابل کې د یاد بانک د وروستیو یو کلونو لاستهراوړنو د تشرېح پروګرام کې کړې دي.
